Доха, 20 тамыз 2026 – Елші Бақыт Батыршаев Қатар Мемлекеті Спорт және жастар министрінің орынбасары Ясир бен Абдулла бен Ахмад Әл-Жамалмен кездесу өткізді.
Министрдің орынбасары Қазақстан Елшісіне дипломатиялық қызметінде сәттілік тілеп, екі ел арасындағы серіктестікті дамытуға бағытталған бастамаларға қолдау көрсетуге дайын екенін атап өтті.
Кездесу барысында тараптар Қазақстан-Қатар қатынастарының қазіргі жай-күйі мен даму келешегін, сондай-ақ спорт және жастар саясаты салаларындағы екіжақты ынтымақтастықты нығайту мәселелерін талқылады.