Экономика, цифрландыру және халықтың әл-ауқаты: Астанада Президент Жолдауының басымдықтары түсіндірілді
Астанада кәсіпкерлермен, студенттермен және мемлекеттік қызметшілермен Мемлекет басшысының «Жаңа тарихи кезеңдегі Қазақстанның өзекті міндеттері» атты Жолдауының негізгі бағыттары бойынша кездесулер өтті. Бұл туралы елорда әкімдігінің ресми сайты хабарлады.
Кездесулерге депутаттар, Қазақстан Халық Кеңесінің өкілдері және Ұлттық экономика министрлігінің өкілдері қатысты. Қатысушылар экономиканы дамыту, кәсіпкерлік, инвестиция, цифрландыру және халықтың өмір сүру сапасын арттыру мәселелерін талқылады.
Әсіресе, инфрақұрылымды жаңғыртуға бағытталған «Халықтық құрылыс» бастамасы мен еңбек өнімділігін арттырып, бизнес мүмкіндіктерін кеңейтуді көздейтін халықтық цифрлық экономиканы дамытуға басымдық берілді.
Спикерлер мемлекеттік органдардың үйлесімді жұмыс істеуі, жобалардың жүзеге асырылуына қоғамдық бақылауды күшейту, сондай-ақ мәдениет, білім және әлеуметтік жауапкершілікті дамыту қажеттігін атап өтті.