Теміржол саласының қызметкерлері жеке қорғану құралдарын қолдану тәсілдерін меңгеріп, төтенше жағдайлар кезіндегі іс-қимыл тәртібімен танысты.
Солтүстік Қазақстан облысының Төтенше жағдайлар департаментінің қызметкерлері Оңтүстік Орал темір жолының Петропавл бөлімшесі — «Ресей темір жолдары» ААҚ филиалының қызметкерлеріне азаматтық қорғау бойынша оқыту сабақтарын өткізді. Іс-шараға 40 адам қатысты.
Сабақ барысында қатысушыларға тақырыптық материалдар ұсынылып, жеке қорғану құралдарын қолдану тәсілдері іс жүзінде көрсетілді. Сондай-ақ Қазақстан Республикасының азаматтық қорғау саласындағы нормативтік құқықтық актілерінің талаптары түсіндірілді. Қауіпсіздікті қамтамасыз ету және төтенше жағдайлар туындаған кезде әрекет ету тәртібіне ерекше назар аударылды.
Өткізілген сабақтар қызметкерлердің азаматтық қорғау саласындағы білім деңгейін арттыруға, жеке қорғану құралдарын қолдану дағдыларын қалыптастыруға және төтенше жағдайлар кезінде жедел әрі дұрыс әрекет етуге дайындығын нығайтуға бағытталған.
