Мониторинг ВАКР 2026г

• Алматы қаласы Цифрландыру басқармасының 2026 жылға арналған сыбайлас жемқорлық құқық бұзушылықтарын жасауға ықпал ететін себептер мен жағдайларды жою жөніндегі мониторингі 1-себеп. 1. Азаматтардың өтініштерін қызметкерлер арасында біркелкі бөлуді автоматтандырылған бақылау жүйесінің болмауы; 2. Өтініштердің орындалу мерзімдері мен қаралу сапасына ішкі мониторинг жүргізу деңгейінің жеткіліксіздігі. Ұсыным: Азаматтардың өтініштеріне берілген жауаптардың толықтығын, негізділігін және заңнама талаптарына сәйкестігін бағалай отырып, олардың сапасына іріктемелі тексерулер жүргізуді ұйымдастыру. Өтініштерді қарау мерзімдері мен сапасын сақтау бойынша орындаушылардың дербес жауапкершілігін бекіту, сондай-ақ осы көрсеткіштерді қызмет тиімділігін бағалау жүйесінде ескеру. Қабылданған шаралар: Өтініштерді қызметкерлер арасында біркелкі бөлу бойынша бақылау ұйымдастырылып, оларды қарау мерзімдері мен сапасына мониторинг күшейтілді. Жауаптардың сапасына іріктемелі тексерулер жүргізіледі. Орындаушылардың өтініштерді уақтылы және сапалы орындауы үшін дербес жауапкершілігі 2026 жылғы 23 қазандағы №05-02/77 бұйрығымен бекітілді. Ұсыным орындалды. 2-себеп. 1. Жедел бақылау болмаған жағдайда тапсырмалардың орындалу мерзімдерінің созылуы; 2. Қызметкерлер арасында міндеттер мен тапсырмалардың біркелкі бөлінбеуі; 3. Қызметтік қызметті формалды түрде орындау жағдайларының туындауы. Ұсыным: Құрылымдық бөлімшелер басшылары тарапынан қызметкерлердің лауазымдық міндеттерін орындау барысы мен сапасына бақылауды күшейту. Қойылған тапсырмалардың орындалу мәртебесін қарау және проблемалық мәселелерді уақтылы анықтау мақсатында тұрақты жедел кеңестер өткізу. Тапсырмалардың нақты орындалуын, сондай-ақ нәтижелерінің белгіленген мерзімдер мен талаптарға сәйкестігін іріктемелі түрде тексеру. Қабылданған шаралар: Әрбір құрылымдық бөлімше қызметкерлері арасында лауазымдық міндеттер мен ағымдағы тапсырмалар олардың орындалмай қалуына жол бермеу мақсатында біркелкі бөлінді. Бөлім басшылары апта сайын тапсырмалардың орындалу қорытындысын шығарып, белгіленген міндеттердің орындалу мерзімдеріне бақылау жүргізеді. Ұсыным орындалды. 3-себеп. 1. Мемлекеттік-жекешелік әріптестік (МЖӘ) жобасы бойынша мемлекеттік қаражатты тиімсіз пайдалану. Ұсыным: Мемлекеттік-жекешелік әріптестік шартына қосымша келісімге өзгерістер мен толықтырулар енгізу қажет. Қабылданған шаралар: Алматы қаласының «Зияткерлік қауіпсіздік және жол қозғалысын талдау жүйесі» жобасын іске асыру жөніндегі 2021 жылғы 2 маусымдағы №1 мемлекеттік-жекешелік әріптестік шартына №5 қосымша келісімге қол қойылды. Аталған қосымша келісімде аппараттық-бағдарламалық кешендер (АБК) жұмыс істемеген жағдайда, бір АБК-ның әрбір күнтізбелік тоқтап қалу күні үшін көрсетілген қызметтердің құнынан 5 пайыз мөлшерінде ұстап қалу көзделген. Ұсыным орындалды. 4-себеп. 1. Тексерулер жүргізу барысында сыбайлас жемқорлық факторларының туындау ықтималдығы бар, оның ішінде тексеруден жалтару немесе оң қорытынды алу мақсатында тексеруші тұлғаларға заңсыз ықпал ету әрекеттері (пара ұсыну) орын алуы мүмкін. Ұсыным: Сыбайлас жемқорлық тәуекелдерін төмендетуге бағытталған кешенді шараларды енгізу мүмкіндігін қарастыру, оның ішінде бақылау және тексеру функцияларын жүзеге асыратын қызметкерлерге қосымша ынталандыру төлемдерін белгілеу, сыбайлас жемқорлыққа қарсы заңнама нормаларын түсіндіру және алдын алу іс-шараларын тұрақты негізде өткізу, сондай-ақ тексерушілерді ротациялау, тексерулерді алқалылық қағидаты негізінде жүргізу және тексеру қызметінің барлық кезеңдерін тіркей отырып, процестерді цифрландыру арқылы ішкі бақылауды күшейту. Қабылданған шаралар: Сыбайлас жемқорлық тәуекелдерін барынша азайту мақсатында кешенді тәсілді іске асыру ұсынылады. Ол бақылау іс-шараларына тартылған қызметкерлердің еңбекақы деңгейін арттыруды, оның ішінде қосымша үстемеақы белгілеуді (1,5–2 есеге дейін арттыру мөлшерінде), сондай-ақ тексерулер жүргізу барысында ашықтық пен есептілікті қамтамасыз етуге және заңсыз пайда алуына ықпал ететін факторларды болдырмауға бағытталған ұйымдастырушылық және цифрлық тетіктерді енгізуді көздейді. Ұсыным орындалды. DOCX · Скачать

МОНИТОРИНГ по устанению причин и условий, способствующих совершению коррупционных правонарушений Управления цифровизации города Алматы за 2026 год.