Қазақстан Республикасы Еңбек
және халықты әлеуметтік қорғау
министрлігінің Аппарат басшысының
2024 жылғы «___» ______
№ _____ бұйрығымен
БЕКІТІЛДІ
Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитетінің Алматы қаласы Департаменті басшының орынбасары - мемлекеттік еңбек инспекторының
ЛАУАЗЫМДЫҚ НҰСҚАУЛЫҒЫ
- Жалпы ережелер
1.1. Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитеті төрағасының орынбасары - бас мемлекеттік еңбек инспекторы (бұдан әрі – Төраға орынбасары) өз жұмысында Қазақстан Республикасының Конституциясын, Қазақстан Республикасының Еңбек кодексін, Әкімшілік рәсімдік-процестік кодексті, «Қазақстан Республикасының мемлекеттік қызметі туралы» Қазақстан Республикасының Заңын, «Сыбайлас жемқорлыққа қарсы іс-қимыл туралы» Қазақстан Республикасының Заңын, «Құқықтық актілер туралы» Қазақстан Республикасының Заңын, осы лауазымға қажетті басқа да нормативтік құқықтық актілерді, Қазақстан Республикасы Еңбек және халықты әлеуметтік қорғау министрлігінің Мемлекеттік еңбек инспекциясы комитеті туралы Ережені (бұдан әрі - Комитет) және осы лауазымдық нұсқаулықты басшылыққа алады.
1.2. Аппарат басшысы Комитет Төрағасының ұсынуы бойынша Қазақстан Республикасы Үкіметінің 2023 жылғы 27 желтоқсандағы № 1195 қаулысына сәйкес төрағаның орынбасарын тағайындайды және қызметтен босатады.
1) Төраға орынбасары комитет төрағасына тікелей бағынады.
1.3. Төрағаның орынбасарына тікелей бағынатын лауазымдарының тізбесі:
1) Комитеттің Еңбек заңнамасын бақылау басқармасының басшысы;
2) Комитеттің Еңбек жағдайларын бақылау және еңбекті қорғау басқармасының басшысы.
1.4. Төраға орынбасары ол болмаған жағдайда Төрағаның басқа орынбасары алмастырады.
- Төраға орынбасарының құқықтары
2.1. Комитеттің құзыретіне кіретін мәселелер бойынша мемлекеттік органдарда, ұйымдарда және мемлекеттік емес ұйымдарда Комитет атынан өкілдік ету және тиісті хат алмасуды жүргізу;
2.2. Қазақстан Республикасы Еңбек заңнамасының талаптарын сақтау бойынша белгіленген тәртіппен тексеруді және мемлекеттік бақылаудың өзге де нысандарын жүзеге асыру;
2.3. Министрліктің құрылымдық бөлімшелерінен, Комитеттің аумақтық органдарынан және Министрліктің ведомстволық бағынысты ұйымдарынан өз міндеттерін орындау үшін қажетті құжаттар мен мәліметтерді сұрату және алу;
2.4. Белгіленген тәртіппен басқа мемлекеттік органдармен және ұйымдармен өзара іс-қимыл жасау, олардан жұмыс істеу үшін қажетті мәліметтер мен материалдарды сұрату және алу;
2.5. Қарамағындағыларға өкімдер, тапсырмалар беру және олардың орындалуын бақылау;
2.6. Бағыныштылардан лауазымдық міндеттерін тиісінше орындамағаны үшін түсініктеме талап ету;
2.7. Мемлекеттік органдарға, ұйымдарға және қоғамдық ұйымдарға, Министрліктің құрылымдық бөлімшелеріне, Министрліктің ведомстволық бағынысты ұйымдарына, жергілікті атқарушы органдарға, ұйымдарға хаттарға, азаматтардың өтініштеріне жауаптарға бұрыштама қою;
2.8. Комитеттің мемлекеттік еңбек инспекциясының қызметіне қатысты бұйрықтарға, сондай-ақ құжаттарға бұрыштама қою;
2.9. Еңбек инспекциясы жөніндегі комитет пен жергілікті органдар қызметкерлерінің біліктілігін арттыруды және қайта даярлауды ұйымдастыру жөнінде ұсыныстар енгізу;
2.10. Комитеттің мемлекеттік еңбек инспекциясының қызметкерлерін ынталандыру, көтермелеу және тәртіптік жаза қолдану бойынша қажет болған жағдайда қызметтік мінездемелер дайындау және ұсыныстар енгізу;
2.11. Өз құзыретіне кіретін мәселелер бойынша тиісті шешімдер қабылдау;
2.12. Қазақстан Республикасының заңнамасында көзделген өзге де құқықтар;
2.13. Келесі мәселелерді өз бетінше шешу:
- Министрліктің стратегиялық іс-шаралар жоспары шеңберінде Комитеттің мемлекеттік еңбек инспекциясының ағымдағы жұмысын жоспарлау;
- қажет болған жағдайда Министрліктің және Комитеттің құрылымдық бөлімшелері немесе жекелеген қызметкерлері дайындаған құжаттардың жобаларына түзетулер енгізуге;
- қызметкерлердің шығармашылық мүмкіндіктерін ұтымды пайдалану үшін жағдай жасау;
- Комитеттің мемлекеттік еңбек инспекциясы қызметкерлерінің жұмыс сапасын бағалау;
- өз құзыреті шеңберінде сыртқы байланыстарды жүзеге асыру;
- қарамағындағыларға өкімдер, тапсырмалар беру және олардың: жұмысты ұйымдастыру; жоспарлар мен тапсырмаларды орындау; лауазымдық міндеттерді орындау; мемлекеттік, еңбек және атқарушылық тәртіпті сақтау; Қазақстан Республикасы мемлекеттік қызметшілерінің Әдеп кодексін сақтау; сондай-ақ жалпы сипаттағы өзге де мәселелер бойынша орындалуын бақылау;
- өз құзыреті шеңберінде өзге де мәселелерді шешу.
- Төраға орынбасарының міндеттері
3.1. Ұйымдарда Қазақстан Республикасы Еңбек заңнамасының сақталуына мемлекеттік бақылауды, сондай-ақ заңнаманы бұзушылықтардың жолын кесу және оларға жол бермеу бойынша құқықтық ықпал ету шараларын қабылдауды жүзеге асырады;
3.2. Ұйымдарда заңнаманың талаптарына сәйкес Қазақстан Республикасы Еңбек заңнамасының сақталуына мемлекеттік бақылауды жүзеге асыру жөніндегі қызметті ұйымдастыруды және үйлестіруді, оның ішінде тексерулер, орындауға міндетті нұсқамалар беру, Әкімшілік құқық бұзушылық туралы істер бойынша хаттамалар мен қаулылар жасау, Қазақстан Республикасының заңнамасында көзделген өзге де материалдарды дайындау арқылы қамтамасыз етеді;
3.3. Мемлекеттік еңбек инспекторлары жұмыс берушілерге орындауға міндетті нұсқамалар, қорытындылар, сондай-ақ олар жасаған әкімшілік құқық бұзушылық туралы істер бойынша хаттамалар мен қаулылар мәселелері бойынша келіспеушіліктерді қарайды;
3.4. Мемлекет басшысының, Президент Әкімшілігінің және ҚР Үкіметінің тапсырмаларының уақтылы және сапалы орындалуын қамтамасыз етеді;
3.5. Жұмыс беруші, қызметкер және мемлекеттік еңбек инспекторы арасындағы тергеу барысында туындаған жазатайым оқиғаларды тергеу, ресімдеу және тіркеу мәселелері бойынша келіспеушіліктерді қарайды;
3.6. ҚР еңбек заңнамасына сәйкес өліммен аяқталған өндірістегі топтық жазатайым оқиғаларды тергеу жөніндегі комиссияға қатысады;
3.7. Өндірістегі жазатайым оқиғаларды тергеудің уақтылығы мен толықтығына бақылауды жүзеге асыру жөніндегі қызметті ұйымдастыруды және үйлестіруді қамтамасыз етеді;
3.8. Еңбек қауіпсіздігі және еңбекті қорғау және мемлекеттік еңбек инспекциясының қызметі мәселелері бойынша орталықтандырылған деректер базасын қалыптастыру жөніндегі қызметті ұйымдастыруды және үйлестіруді қамтамасыз етеді;
3.9. Есепті кезеңдегі жұмыстың тиімділігін бағалауды жүргізу үшін Комитет Төрағасына белгіленген нысан бойынша ақпаратты уақтылы дайындауды және ұсынуды қамтамасыз етеді;
3.10. Өз құзыреті шегінде Комитеттің және оның аумақтық органдарының құрылымдық бөлімшелерінің, мемлекеттік еңбек инспекциясының қызметіне жалпы басшылық жасауды және бақылауды қамтамасыз етеді;
3.11. Министрлік пен Комитет басшылығы, жұмыс топтары өткізетін кеңестердің, отырыстардың жұмысына белгіленген тәртіппен қатысады;
3.12. Министрлік пен Комитет басшылығы жүктеген өзге де міндеттерді жүзеге асырады.
- Төраға орынбасарының жауапкершілігі
4.1. Төраға орынбасары осы лауазымдық нұсқаулықта көзделген міндеттердің сақталуына жауапты болады.
4.2. Төраға орынбасары:
- Министрліктің ақпараттық қауіпсіздігі бойынша техникалық құжаттама талаптарын орындауға;
- осы лауазымдық нұсқаулықта көзделген функционалдық міндеттерді сақтауға;
- алдына қойылған міндеттерді және оған жүктелген өкілеттіктерді ұйымдастыру және орындауға;
- өзіне берілген құқықтар мен өкілеттіктер шеңберінде өз міндеттерін уақтылы, сапалы және тиісінше орындауға;
- мемлекеттік қызметшілердің әдеп нормаларын бұзу және Қазақстан Республикасының Мемлекеттік қызметінде болуына байланысты шектеулерді сақтауға;
- сыбайлас жемқорлыққа қарсы заңнаманы, Еңбек және атқарушылық тәртіпті сақтауға;
- Е-Otinish-те тіркеу сатысында өтініштерді тіркеу карточкасының деректемелерін (өтініш түрі, өтініш нысаны, өтініш тілі, ЖСН, азаматтығы, ұлты, жынысы, кәсібі және т. б.) дұрыс толтырмағаны үшін;
- Е-Otinish-ке өтініштер бойынша сұрақтар мен қабылданған шешімдердің сипатын дұрыс толтырмағаны үшін;
- Қазақстан Республикасының құқықтық актілерімен рұқсат етілмеген өзге де әрекеттерге жеке жауапты болады.
Жұмыс беруші сеніп тапсырған мүлік атқаратын лауазымынан босатылған кезде, істер номенклатурасына және жоғарыда аталған міндеттерге сәйкес, сондай-ақ аяқталған және ағымдағы жобалар бойынша қолда бар қызметтік құжаттама мен тікелей басшы айқындайтын мемлекеттік қызметшіге берілетін болады.
Таныстым (а):
_________________________________________________________________
(Мемлекеттік әкімшілік қызметшінің Т. А. Ә., қолы, күні)
Таныстым (а):
_________________________________________________________________
(Мемлекеттік әкімшілік қызметшінің Т. А. Ә., қолы, күні)
Таныстым (а):
_________________________________________________________________
(Мемлекеттік әкімшілік қызметшінің Т. А. Ә., қолы, күні)