2027 жылға жоспарланған мемлекеттік әлеуметтік тапсырыстың тақырыптары туралы ақпарат

1

Туберкулезді бақылау саласында жұмыс істейтін үкіметтік емес ұйымдар үшін мемлекеттік әлеуметтік тапсырыс

4 200

2026 жылғы мемлекеттік әлеуметтік тапсырыс мониторингі: жоспарланған сома – 4 200 мың теңге. Жоба аутрич-жұмыс, байланыста болған адамдарды тексеруге жолдау, ерте анықтау және емге бейілділікті қолдау бағыттарын қамтиды.

Туберкулез бойынша қауіп топтары, әлеуметтік осал және маргиналданған топтар, ТБ-мен ауыратын науқастармен байланыста болған адамдар.

Қауіп топтарын ақпараттандыру және скринингке бағыттау; ТБ-ны ерте анықтауға үлес қосу; емге бейілділікті кемінде 85% деңгейінде қолдау; емді үзген адамдарды емге қайтару; ТБ-ға қатысты стигманы төмендету.

2

Жастар арасында АИТВ-инфекциясының алдын алу бойынша ақпараттық-ағарту шараларын жүргізу

4 000

2026 жылғы мемлекеттік әлеуметтік тапсырыс мониторингі: жоспарланған сома – 4 000 мың теңге. 39 білім беру ұйымында ақпараттық-түсіндіру жұмыстары жүргізіліп, 2 867 жасөспірім мен жас қамтылған.

Жасөспірімдер мен жастар, жалпы білім беретін мектептердің жоғары сынып оқушылары, колледж студенттері.

АИТВ-инфекциясының алдын алу туралы хабардарлықты арттыру; салауатты өмір салты мен қауіпсіз мінез-құлыққа бейілділікті күшейту; репродуктивтік денсаулық және АИТВ/ЖЖБИ профилактикасы бойынша білім деңгейін арттыру.

3

2027 жылы еркекпен жыныстық қатынастағы еркектер (ЕЖЕ) арасында АИТВ-ның алдын алуға бағытталған іс-шараларды өткізуге арналған мемлекеттік әлеуметтік тапсырыс

4 000

2026 жылғы мемлекеттік әлеуметтік тапсырыс мониторингі: жоспарланған сома – 4 000 мың теңге. Жоба ЕЖЕ арасында аутрич-жұмыс, кеңес беру, экспресс-тестілеу, PrEP және Достық кабинетіне бағыттау іс-шараларын қамтиды.

Еркекпен жыныстық қатынастағы еркектер (ЕЖЕ), АИТВ жұқтыру қаупі жоғары нысаналы топ.

Кемінде 140 бірегей клиентті профилактикалық бағдарламалармен қамту; қамтылған ЕЖЕ-нің кемінде 95%-ын экспресс-тестілеумен қамту; PrEP және АИТВ/ЖЖБИ тестілеуіне бағыттау; оң нәтиже анықталған жағдайда 100% әлеуметтік сүйемелдеу.

4

Жастар арасында зиянды әрекеттердің құқықтық салдары туралы ағарту шараларын жүргізу

4 000

2026 жылы «Заң мен тәртіп» қағидатын іске асыру шеңберінде жастар арасында есірткі және психоактивті заттарды қолданудың алдын алу, олардың денсаулыққа және құқықтық салдары туралы ақпараттық-түсіндіру іс-шаралары өткізуді қамтиды. «Таңдау өз қолыңда!» іс-шарасымен 4 колледждің 474 студенті, «Синтетикалық есірткілерді қолданудың салдары» семинарымен 273 оқушы, «Тәуелділіксіз Атырау» ақпараттық-профилактикалық іс-шарасымен 95 адам қамтылып, 150 ақпараттық буклет пен жадынама таратылды.

14–35 жас аралығындағы жастар, мектеп оқушылары мен колледж студенттері

Жастардың зиянды әрекеттердің медициналық және құқықтық салдары туралы хабардарлығын арттыру; есірткі және психоактивті заттарды қолданудың алдын алу; құқықтық сауаттылық пен салауатты өмір салты дағдыларын қалыптастыру.