БАҚЫЛАУ-КАССАЛЫҚ МАШИНАЛАРДЫ ҚОЛДАНУ: КӘСІПКЕРЛЕР НЕНІ БІЛУІ ҚАЖЕТ?

БАҚЫЛАУ-КАССАЛЫҚ МАШИНАЛАРДЫ
ҚОЛДАНУ: КӘСІПКЕРЛЕР НЕНІ БІЛУІ ҚАЖЕТ?

Қызылорда облысы бойынша Мемлекеттік кірістер департаменті Қазақстан Республикасы
аумағында ақшалай есеп айырысуларды жүзеге асыру
кезінде бақылау-кассалық машинаны (БКМ) қолдану міндетті екенін еске салады.

Ақшалай есеп айырысуларға:

* қолма-қол ақшамен жүргізілетін төлемдер;
* төлем карточкалары арқылы жүргізілетін төлемдер;
* мобильді төлемдер арқылы жүргізілетін есеп айырысулар
жатады.

Егер салық заңнамасында өзгеше көзделмесе, ақшалай
есеп айырысуларды жүргізу кезінде Мемлекеттік тізілімге
енгізілген БКМ қолданылуы тиіс.

БКМ-ді салық органында есепке қою:

* деректерді тіркеу және (немесе) беру функциясы бар БКМ бойынша - фискалдық деректер операторының мәліметтері негізінде автоматты түрде;
* деректерді беру функциясы жоқ БКМ бойынша - салыктық өтініш негізінде жүзеге асырылады.