Аудан әкімінің Қазақстан халқының тілдері күнімен құттықтауы

Құрметті Сандықтау ауданының тұрғындары!
Сіздерді Қазақстан халқының тілдері күнімен шын жүректен құттықтаймын!
Тіл – әр халықтың баға жетпес рухани мұрасы, оның мәдениетінің, тарихы мен ұлттық болмысының негізі. Сандықтау ауданында түрлі ұлт өкілдері бейбітшілік пен татулықта өмір сүріп келеді. Әр халықтың ана тіліне, мәдениеті мен салт-дәстүріне құрметпен қарау – бірлігіміз бен өзара түсіністігіміздің маңызды бөлігі.
Еліміз үшін қазақ тілінің орны ерекше. Ол – халықты біріктіретін, ұлттық бірегейліктің маңызды нышаны болып табылатын мемлекеттік тіл.
Баршаңызға зор денсаулық, амандық, бейбітшілік және жаңа жетістіктер тілеймін!
Құрметпен Сандықтау ауданының әкімі Серік Құдабай.