Абай облысының әкімі Берік Уәлидің төрағалығымен кеңейтілген аппараттық кеңес өтіп, онда өңірдегі мемлекеттік жастар саясатының жүзеге асырылу барысы талқыланды.

Абай облысының әкімі Берік Уәлидің төрағалығымен кеңейтілген аппараттық кеңес өтіп, онда өңірдегі мемлекеттік жастар саясатының жүзеге асырылу барысы талқыланды.

Жастар саясаты мәселелері жөніндегі басқарма басшысы Олжас  Бейсенбаев 2026 жылдың қаңтар-қазан айларында атқарылған жұмыстарды баяндады. Оның айтуынша, Өңірлік жұмыспен қамту картасы аясында 7 350 жас жұмысқа орналасқан. Әлеуметтік осал топтағы 27 жасқа қайтарымсыз грант берілді. Жастар арасындағы жұмыссыздық деңгейі 2 пайызды құрап, NEET санатындағы жастар саны 42,1 пайызға төмендеген. «Жасыл ел» жобасы арқылы 1 001 жас маусымдық жұмыспен қамтылды. Жастардың құқықтық сауаттылығын арттыру мақсатында Семей қаласындағы 20-ға жуық мектеп пен колледжде кездесулер ұйымдастырылып, есірткі қылмысы, дропперлік, буллинг, вандализм және интернет-алаяқтық мәселелері түсіндірілді. Іс-шараларға 3 мыңға жуық жас қатысты. Жастардың бастамаларын қолдау бағытында «Тәуелсіздік ұрпақтары» өңірлік грантына 74 өтінім қабылданып, 7 номинация бойынша 1 млн теңгеден қарастырылды. «Жас ғалымдар шеберханасы» жобасына 100 жас қатысып, ғылыми-зерттеу және академиялық жазылым дағдыларын жетілдірді. Сондай-ақ жастардың шығармашылық және зияткерлік әлеуетін дамытуға арналған бірқатар байқау мен жобалар жүзеге асырылды. Бұдан бөлек, жастардың кәсіби және цифрлық дағдыларын дамытуға арналған «SKILLUP» жобасына 200-ге жуық жас қатысты. «ABAI QUIZ – 2026» республикалық зияткерлік ойынына 9 облыстан 100 команда, 600 қатысушы жиналды. Ал «Кітап оқитын университет» жобасына өңірдің үш жоғары оқу орнынан 542 студент тіркелді. Кеңес қорытындысында жастарды жұмыспен қамту, құқықтық сауаттылығын арттыру, әскери-патриоттық тәрбие беру, экологиялық мәдениеті мен зияткерлік әлеуетін дамыту бағытындағы жұмыстарды жүйелі түрде жалғастыру қажеттігі атап өтілді.

Дереккөз: https://www.gov.kz/memleket/entities/abay-zhastar-basqarmasy/press/news/details/1333470?lang=kk