Бүгін Қазақстан Республикасының Президенті Қасым-Жомарт Тоқаев XX жазғы Азия ойындары мен V Азия Пара ойындарында жоғары спорттық нәтижелерге қол жеткізген спортшылармен кездесті.
Мемлекет басшысы халықаралық жарыстарда жоғары жетістіктерге жеткен бірқатар спортшыға мемлекеттік наградалар табыстады.
Марапатталғандардың қатарында Ақтөбе облысының үш спортшысы бар:
Ерлік Сертай — семсерлесуден ерлер арасындағы командалық жарыстағы алтын медалі үшін «Құрмет» орденімен марапатталды.
Еркінғали Бүркіталин — аралас жекпе-жектен (ММА) алтын медаль иегері. «Ерен еңбегі үшін» медалімен марапатталды.
Қадырбек Шынбаев — аралас жекпе-жектен (ММА) алтын медаль иегері. «Ерен еңбегі үшін» медалімен марапатталды.
Мемлекеттік наградалар — спортшылардың табанды еңбегі мен жоғары шеберлігінің, сондай-ақ ел спортының халықаралық аренадағы абыройын арттыруға қосқан үлесінің лайықты бағасы.
Жерлестерімізді жоғары мемлекеттік марапаттарымен құттықтаймыз! Алдағы жарыстарда толағай табыс, жаңа жеңістер тілейміз!
