Жезқазған қаласында спорт инфрақұрылымын күтіп ұстау және тұрғындарға қауіпсіз жағдай жасау бағытындағы жұмыстар жалғасуда.
Ағымдағы жылы қаладағы 4 футбол алаңының қоршауларын қалпына келтіру жұмыстары жүргізілуде. Атап айтқанда, Расков көшесі, 3, Алашахан көшесі, 25А және 26, Асылбеков көшесі, 93 мекенжайларындағы алаңдар қамтылған.
Тұрғын үй-коммуналдық шаруашылық бөлімінің басшысы мердігер ұйым өкілімен бірлесіп, аталған нысандарды аралап, жүргізіліп жатқан жұмыстардың барысы мен сапасын бақылауға алды.
Негізгі мақсат – футбол алаңдарының қауіпсіздігін қамтамасыз етіп, балалар мен жастардың спортпен шұғылдануына қолайлы жағдай жасау.
