Мәртөк ауданының әкімі Нұржан Мақсатовтың төрағалығымен аппараттық жиын өтіп, онда кәсіпкерлік, ауыл шаруашылығы, денсаулық сақтау, коммуналдық шаруашылық және «Таза Қазақстан» жобасының жүзеге асырылу барысы талқыланды.
📈 2026 жылы 94 кәсіпкерлік субъектісінде 413 маусымдық жұмыс орны құрылды. «Ауыл аманаты» бағдарламасы аясында жалпы сомасы 322,1 млн теңгені құрайтын 32 жоба қаржыландырылды. Ауыл шаруашылығы өнімінің көлемі 30,8 млрд теңгеге жетіп, 2,7%-ға өсті. Ауыл шаруашылығы техникасын сатып алу жоспары 98%-ға орындалды.
🏥 9 ай ішінде аудандық ауруханада 132 693 медициналық қабылдау жүргізілді. Медициналық мекеменің материалдық-техникалық базасы жаңа жабдықтармен толықтырылып, диагностикалық мүмкіндіктері кеңейтілді.
🚰 «Мартук Сервис» мекемесі бірқатар елді мекендерде су мұнараларын ауыстырып, сорғы станциялары мен инженерлік желілерде жөндеу жұмыстарын жүргізді.
🌿 Мәртөк ауылдық округінде «Таза Қазақстан» жобасы аясында 11 экологиялық іс-шара өткізілді. Ағымдағы аптада 38 тонна қоқыс шығарылып, абаттандыру жұмыстары барысында анықталған 152 учаскенің 127-сінде кемшіліктер жойылды.
✅ Жиын қорытындысы бойынша аудан әкімі инвестиция тарту жұмыстарын жандандыру, медициналық пункттерді жөндеу және елді мекендерді абаттандыру бағытындағы жұмыстарды күшейту жөнінде тапсырмалар берді.