Хельсинки, 2026 жылғы 3 қараша – Хельсинки қаласында ҚР Президенті Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауына арналған дөңгелек үстел өтті.
Кездесу барысында Қазақстанның Елшісі А.Әбдіраимов Мемлекет басшысы Жолдауының негізгі бағыттарын таныстырып, ел дамуының басымдықтары мен жүзеге асырылып жатқан ауқымды өзгерістерге жан-жақты тоқталды. Қазақстанның мемлекеттік институттарды нығайтуға, экономиканың тұрақты өсуін қамтамасыз етуге және азаматтардың әл-ауқатын арттыруға бағытталған жаңғыртудың жаңа кезеңіне қадам басқаны атап өтілді.
Сөз барысында саяси және экономикалық реформаларға, өнеркәсіпті дамытуға, цифрландыруға, көлік-логистикалық инфрақұрылымды жетілдіруге, энергетикалық және азық-түлік қауіпсіздігін қамтамасыз етуге, сондай-ақ білім беру, денсаулық сақтау және адами капиталға инвестиция салуға ерекше назар аударылды. Елші Қазақстанның экономиканы әртараптандыру, өндірістік әлеуетті кеңейту және Азия мен Еуропаны байланыстыратын маңызды көлік-логистикалық көпір ретіндегі ел позициясын нығайту бағытында жүйелі жұмыс жүргізіп келе жатқанын атап өтті.
Қазақстан мен Финляндия арасындағы ынтымақтастықтың перспективалары да жеке айтылды. Қазақстан дамуының басым бағыттары Финляндиямен өзара іс-қимылды одан әрі тереңдетуге, оның ішінде цифрландыру, білім беру, таза энергетика, инновациялар, көлік және инвестициялар салаларында жаңа мүмкіндіктер ашатыны атап өтілді.
Іс-шараға Финляндия Үкіметінің, Сыртқы істер министрлігінің өкілдері, ғылыми және академиялық қауымдастық мүшелері, сондай-ақ іскер топтардың өкілдері қатысты.
Дөңгелек үстелге қатысушылар Жолдауда ұсынылған басым бағыттар мен Қазақстанда жүзеге асырылып жатқан реформаларға қызығушылық танытып, тәжірибе алмасуды жалғастырудың және екіжақты байланыстарды нығайтудың маңыздылығын атап өтті.
Іс-шара мазмұнды диалог жүргізуге, фин тарапын Қазақстанның мемлекеттік саясатындағы басымдықтармен таныстыруға және Қазақстан-Финляндия әріптестігінің одан әрі даму перспективаларын талқылауға мүмкіндік берді.
