4 қараша күні сағат 11:00-де Ұлытау облысының әкімі Есет Байкеннің Сәтбаев қаласының тұрғындарымен есептік кездесуі өтеді, деп хабарлайды облыс әкімдігінің ресми сайты.
Кездесу Сәтбаев қаласындағы Шынболат Ділдебаев атындағы Кеншілер сарайында ұйымдастырылады. Мекенжайы: Сәтбаев даңғылы, 106.
Кездесу барысында өңір басшысы тұрғындардың сұрақтарына жауап беріп, ұсыныс-пікірлерін тыңдайды.
Кездесуден кейін облыс әкімі, облыстық басқармалар мен орталық мемлекеттік органдардың аумақтық департаменттерінің басшылары өзекті мәселелер бойынша азаматтарды жеке қабылдайды.
