Атбасар ауданында демографиялық ахуал және су тасқынына дайындық мәселелері талқыланды
3 қарашада Атбасар ауданының әкімі Кеңес Әлімжановтың төрағалығымен аппараттық кеңес өтті. Онда ауданның әлеуметтік-экономикалық дамуының өзекті мәселелері мен халықтың қауіпсіздігін қамтамасыз ету бағыттары қаралды.
Негізгі тақырыптардың бірі – соңғы бес жылдағы демографиялық ахуал болды. Талқылау барысында туу, өлім-жітім және көші-қон үдерістері сөз етілді.
Аудан әкімі өткен жылдар мен ағымдағы кезеңдегі демографиялық көрсеткіштерге салыстырмалы талдау жүргізуді, орын алып жатқан өзгерістердің негізгі себептерін анықтауды және осы бағыт бойынша толық ақпарат ұсынуды тапсырды. Халықтың, оның ішінде балалы отбасылардың көшіп кетуіне және тұрғындардың ауданнан кету себептеріне ерекше назар аудару қажеттілігі атап өтілді.
Сонымен қатар, қатысушылар 2027 жылғы су тасқыны кезеңіне дайындық барысын қарастырды. Атқарылып жатқан профилактикалық іс-шаралар, қажетті күштер мен құралдардың дайындығы, су тасқыны қаупі бар учаскелердің жай-күйі және ықтимал төтенше жағдайлардың алдын алу шаралары талқыланды.
Кеңес қорытындысы бойынша аудан әкімі тиісті тапсырмалар беріп, жоспарланған барлық іс-шаралардың уақтылы орындалуы мен олардың іске асырылуына тұрақты бақылау жүргізу қажеттілігін баса айтты.
