2026 жылғы 29–30 қазанда Денсаулық сақтау басқармасында медициналық психологтар мен әлеуметтік қызметкерлерге арналған «Алғашқы медициналық-санитариялық көмек деңгейінде агрессивті мінез-құлық белгілері бар адамдарға психологиялық көмек көрсетуді ұйымдастыру. Сот шешімі бойынша зорлық-зомбылық жасаған адамдармен (ӘҚҚБКЖ) психологиялық жұмыс жүргізу. Ведомствоаралық өзара іс-қимыл. Агрессиялық мінез-құлық танытатын адамдармен жүргізілетін жұмыс бойынша талдамалық ақпарат» тақырыбында мамандандырылған семинар-тренинг өткізілді.
Іс-шараның мақсаты
Төмендегі бағыттар бойынша тиімді ведомствоаралық өзара іс-қимылды ұйымдастыру:
Деструктивті мінез-құлық белгілері бар адамдарды ерте анықтау;
Зорлық-зомбылық қолданумен байланысты құқық бұзушылық жасаған адамдарға (ӘҚҚБКЖ) сот шешімі негізінде міндетті психологиялық түзету шараларын тиімді жүргізу;
Қайталама құқық бұзушылықтардың туындау қаупін барынша азайту;
Қоғамдағы тұрмыстық зорлық-зомбылық деңгейін төмендету.
Іс-шараның міндеттері
1. Алғашқы медициналық-санитариялық көмек (МСАК) деңгейінде
Ерте анықтау: деструктивті, агрессивті және аутодеструктивті мінез-құлық үлгілерін уақтылы анықтау мақсатында азаматтардың психологиялық жай-күйіне скрининг жүргізу және бастапқы бағалау жүйесін енгізу.
Уақтылы бағдарлау: психикалық бұзылыстар немесе тәуелділік белгілері бар адамдарды анықтап, оларды бейінді медициналық ұйымдарға (психикалық денсаулық орталықтарына, наркологиялық қызмет көрсететін ұйымдарға) жедел жолдау.
Пациенттерді жүргізу тәсілдерін оңтайландыру: тұрақты психикалық бұзылыстары немесе қатар жүретін тәуелділіктері (алкогольдік, есірткілік) бар адамдарды МСАК ұйымдарынан психикалық денсаулық сақтау жүйесінің мамандандырылған ұйымдарына жолдаудың нақты алгоритмдерін әзірлеу және енгізу.
Сот шешімдерінің орындалуын қамтамасыз ету: сот шешімімен мінез-құлқына ерекше талаптар белгіленген адамдардың міндетті психологиялық түзету курсынан өтуіне үздіксіз бақылау жүргізуді ұйымдастыру.
Криминогендік ойлау жүйесін өзгерту: құқық бұзушылардың деструктивті когнитивтік-мінез-құлықтық ұстанымдарын түзету, өз кінәсін психологиялық тұрғыдан жоққа шығару үрдісін еңсеру, эмпатияны дамыту және жанжалдарды зорлық-зомбылықсыз шешудің тұрақты дағдыларын қалыптастыру.
Қайталама құқық бұзушылық қаупін динамикалық бағалау: зорлық-зомбылық әрекеттерінің қайталануын болжау және алдын алу мақсатында түзету бағдарламаларынан өту барысында құқық бұзушылардың психологиялық жай-күйі мен мінез-құлық реакцияларына тұрақты мониторинг жүргізу.
2. Ведомствоаралық өзара іс-қимыл деңгейінде
Ақпарат алмасудағы кедергілерді жою: ішкі істер органдары, денсаулық сақтау ұйымдары және азаматтық қоғам институттары (үкіметтік емес ұйымдар) арасында жедел ақпарат алмасудың тұрақты арналарын қалыптастыру.
Үздіксіз бақылауды қамтамасыз ету: «жолдау – келу – қатысу – нәтиже» қағидаты бойынша кешенді мониторинг жүргізу арқылы құқық бұзушының сот жүктеген міндеттерді орындаудан жалтаруына жол бермеу.
Кешенді ресоциализация: құқық бұзушының агрессивті мінез-құлқын қоздыратын факторларды жою мақсатында ведомстволардың күш-жігерін біріктіру, оның ішінде әлеуметтік қорғау органдарының жұмысқа орналастыруға және тәуелділіктерден емделуге жәрдемдесуін қамтамасыз ету.
Семинар спикерлері-Нұртазина Әлия Зекенқызы – «Медициналық технологиялар және менеджмент ғылыми-зерттеу институты» ЖШС маманы, дәрігер-психотерапевт, медицина ғылымдарының кандидаты, ұлттық сарапшы; Аманжол Назерке – полиция аға лейтенанты, Қарағанды қаласы Полиция басқармасының ОБСБН ООБ инспекторы; Солдатова Светлана – облыстың штаттан тыс бас психологы; Айтжанова Ақмарал – психолог.