Ақмола облысының жалпы білім беретін мектептерінің дене шынықтыру пәні мұғалімдері арасында «Үздік дене шынықтыру педагогі-2026» облыстық байқауы өтті.
Іс-шараның мақсаты – педагогтердің шығармашылық бастамаларын қолдау, кәсіби шеберлігін арттыру және озық тәжірибелерін анықтау.
Байқау барысында қатысушылар үш кезең бойынша сынға түсті:
1.«Креативті мұғалім» – кәсіби тәжірибе мен визит карточкасын таныстыру;
2.«Заманауи дене шынықтыру сабағы» – бейтаныс сыныпта стандартты емес сабақ өткізу;
3.«Үздік спорттық-бұқаралық іс-шара» – мектептегі спорттық шаралардың жобасын таныстыру.
Облыстық байқау қорытындысы бойынша:
I орын – Байдуллаев Майрамбек Алимович, Ақкөл қаласы, Бектұров атындағы №3 ЖББМ.
II орын – Зынданұлы Рустам, Аршалы ауданы, Жібек жолы кентінің мектеп-лицейі.
III орын – Борисенко Ирина Олеговна, Степногорск қаласы, Лев Толстой атындағы №4 мектеп-гимназиясы.
Сонымен қатар бірқатар қатысушы арнайы номинациялармен марапатталды:
«Патриоттық рухтағы педагог» – Хамит Азат Хантайұлы, Бурабай ауданы, Қызылағаш ауылының Абылай хан атындағы ЖОББМ.
«Инновациялық педагог» – Сарекин Жандос Жұбатқанұлы, Целиноград ауданы, Талапкер ауылының IT мектеп-лицейі.
«Креативті педагог» – Алимова Амантай Қайжанович, Жақсы ауылының №2 ЖОББМ.
«Ең жас педагог» – Калиева Улболсын, Атбасар ауданының №6 ЖББМ.
«Шығармашыл көзқарас» – Ленец Константин Николаевич, Көкшетау қаласының №17 мектеп-гимназиясы.
Байқау педагогтердің кәсіби тәжірибе алмасуына, шығармашылық қабілеттерін дамытуына және дене шынықтыру пәнін оқытудың жаңа тәсілдерін енгізуіне мүмкіндік берді.
