«Алатау Жарық Компаниясы» АҚ мәліметіне сәйкес, 2026 жылғы 2–6 қараша аралығында Алматы қаласының Әуезов ауданында электр желілеріне жоспарлы техникалық қызмет көрсету жұмыстары жүргізіледі.
Аталған жұмыстар электр желілерінің сенімді әрі тұрақты жұмысын қамтамасыз ету мақсатында ұйымдастырылады.
Осыған байланысты ауданның бірқатар шағынаудандары мен көшелерінде электр энергиясын уақытша өшіру жоспарланған. Өшіру жұмыстары бекітілген кестеге сәйкес, мекенжайларға байланысты сағат 08:00–13:00, 13:00–17:00 және 08:00–17:00 аралығында жүргізіледі.
Тұрғындардан уақытша қолайсыздықтарға түсіністікпен қарап, күнделікті жұмыстарын алдын ала жоспарлауды сұраймыз.
Электр энергиясын өшірудің нақты мекенжайлары мен уақыты қоса берілген кестеде көрсетілген.
