Атырау облысы полиция департаментінің бастығы полиция генерал-майоры Оңал Бекеев алғашқы даярлық курстарын аяқтап келген тағылымдамадан өтушілермен кездесті.
Кездесу барысында жас қызметкерлердің алдағы қызметтік міндеттері түсіндіріліп, оларды лауазымға тағайындау мәселелері қаралды.
Сонымен қатар, әр тағылымдамадан өтушіге тәжірибелі қызметкерлер қатарынан тәлімгерлер бекітілді. Олар жас мамандарға қызмет барысында бағыт-бағдар беріп, кәсіби тәжірибесімен бөліседі.
Департамент басшысы жас қызметкерлерге қызметтік міндеттерін адал атқарып, заңдылықты сақтауды және азаматтармен қарым-қатынаста әдептілік танытуды тапсырды.