Бар болғаны бірнеше айлық, бірақ үш елді артта қалдырды

Таныс болыңыздар: Тұңғыш, Алтын-Емелдің дала қыраны.

Жазда ол ұядағы ақ мамық балапан еді. 20 шілдеде «Алтын-Емел» МҰТП Зоология институтының мамандарымен бірігіп, оған күн батареясымен жұмыс істейтін GPS-трекер тақты.

Енді ол ұшып кетті. Ата-анасыз, картасыз, өмірінде алғаш рет.

Алтын-Емел → Қонаев → Алматы → Бішкек → Тараз → Шымкент → Самарқанд…

Қазір Тұңғыш Өзбекстанда, Қашқадария облысында, Қарши маңында. Артта шамамен 1 400 шақырым жол.

Дала қыраны Қызыл кітапқа енген. Картадағы әр нүкте олардың қай жерде қауіп-қатерге ұшырайтынын түсінуге және оларды қорғауға мүмкіндік береді.

Тұңғыш қыстайтын жеріне аман жете ме? Оның жолын бізбен бірге бақылаңыз 
Бір аптадан кейін ол қайда болады деп ойлайсыз?