Абай облысында жастар арасында сыбайлас жемқорлыққа қарсы мәдениетті қалыптастыру және құқықтық сауаттылықты арттыру мақсатында «Заң мен тәртіп» байқауы ұйымдастырылды.
Іс-шараға облыстағы 10 колледждің студенттері қатысып, өз білімдері мен қабілеттерін ортаға салды.
«Байқау Абай облысы Ішкі саясат басқармасы бекіткен жұмыс жоспарына сәйкес ұйымдастырылып отыр. Негізгі мақсатымыз – жастар арасында сыбайлас жемқорлыққа қарсы мәдениетті қалыптастырып, заңға құрметпен қарауға тәрбиелеу. Бүгінгі шараға 10 колледждің студенттері қатысып, өзара бақ сынауда. Сонымен қатар олардың жетекшілері де белсенділік танытып отыр», – деді Абай облысы Ішкі саясат басқармасының Азаматтық қоғам институттарымен өзара әрекеттесу және әдістемелік жұмыс бөлімінің басшысы Айтуар Қапасов.
Байқау қатысушылары өзара тәжірибе алмасып, тақырып аясында білімдерін көрсетті.
