«Адал азамат» - заңға бағыну, адалдық, жеке жауапкершілік және адам құқықтарын құрметтеу қағидаттарына негізделген ұстаным. Ол адалдық, әділдік және қоғам алдындағы жауапкершілік құндылықтарын біріктіреді.
Күнделікті өмірден алынған мысалдар арқылы бұл құндылықтардың азаматтардың іс-әрекетінде қалай көрініс табатынын түсіндіреміз. Сондай-ақ азаматтар мен мемлекеттің өзара жауапкершілігін ашып көрсетеміз: заңдарды сақтау, өзге адамдардың құқықтарын құрметтеу, қауіпсіздікті қамтамасыз ету және адамның құқықтары мен бостандықтарын қорғау.
Егер құқықтарыңыз бұзылды деп есептесеңіз, e-Otinish арқылы өтініш жолдай аласыз. Бұзылған құқықтарыңызды қорғауға және қалпына келтіруге жәрдем алу үшін Қазақстан Республикасындағы Адам құқықтары жөніндегі уәкілдің Қарағанды облысы бойынша өкіліне жүгіне аласыз.
