Алғашқы қармен бірге ормандағы аңдардың ізі де анық көріне бастады. Усть-Язовая орманшылығының инспекторлары еліктерді суретке түсіріп, қарға түскен іздерін де байқады

Соңғы санаққа сүйінсек Катонқарағай ұлттық паркінде екі мыңнан астам елік мекендейді.

Осы санның артында инспекторлардың күнделікті еңбегі бар. Аумақты аралау, аңдарды бақылау, санақ жүргізу, браконьерліктің алдын алу — еліктердің өз мекенінде қауіпсіз тіршілік етуі үшін атқарылатын жұмыс.