28 қазанда СҚО санитариялық-эпидемиологиялық бақылау департаментінде медициналық ұйымдардағы дезинфекция, дезинсекция және дератизация мәселелері бойынша облыстық семинар өтті.
Семинарға аумақтық санитариялық-эпидемиологиялық бақылау басқармаларының мамандары, медициналық ұйымдардың емдеу жұмысы жөніндегі басшыларының орынбасарлары, госпитальдық эпидемиологтар және инфекциялық бақылау жөніндегі мейіргерлер қатысты.
Семинар барысында медициналық құрал-саймандарды өңдеу, сондай-ақ дезинсекция және дератизация жүргізу мәселелері қаралды.
Семинар соңында қатысушылар кәсіби қызмет барысында туындайтын практикалық мәселелерді талқылап, тәжірибе алмасты және өздерін қызықтырған сұрақтарға жауап алды.
