ДЕМАЛЫС»: Абай облысында түнгі рейдтер күшейтілді - 101 жасөспірім полицияға жеткізілді

Абай облысында кәмелетке толмағандардың қауіпсіздігін қамтамасыз ету және құқық бұзушылықтардың алдын алу мақсатында түнгі профилактикалық рейдтер күшейтілді.

24–31 қазан аралығында өңір аумағында «Демалыс» жедел-профилактикалық іс-шарасы өткізілуде. Іс-шараның негізгі мақсаты — жасөспірімдер арасындағы құқық бұзушылықтардың алдын алу, олардың құқықтары мен заңды мүдделерін қорғау, сондай-ақ ата-аналардың бала тәрбиесіндегі жауапкершілігін арттыру.
Полиция қызметкерлері жүргізген профилактикалық жұмыстар барысында бірқатар құқық бұзушылықтардың жолы кесілді. 

Іс-шараның аралық қорытындылары:

113 әкімшілік құқық бұзушылықтың жолы кесілді;

101 кәмелетке толмаған полиция органдарына жеткізілді, оның 98-і түнгі уақытта анықталды;

82 жағдайда жасөспірімдердің заңды өкілдерінің еріп жүруінсіз түнгі уақытта ойын-сауық орындарында немесе тұрғынжайдан тыс жерде болуы тіркелді;

21 жағдайда кәмелетке толмағандарды тәрбиелеу, оқыту, олардың құқықтары мен мүдделерін қорғау және қауіпсіздігін қамтамасыз ету жөніндегі міндеттерді орындамау дерегі;

103 қолайсыз отбасындағы тұрмыстық жағдай тексерілді;

Балаларын тәрбиелеу жөніндегі міндеттерін орындамайтын 3 ата-ана есепке қойылды.

Түнгі уақыттағы бақылау — жазалау үшін ғана емес, алдын алу үшін қажет. Әрбір рейдтің артында жасөспірімнің қауіпсіздігі, ата-ананың жауапкершілігі және ықтимал құқық бұзушылықтың алдын алу міндеті тұр.

Полиция қызметкерлері ойын-сауық орындарын, қоғамдық аумақтарды және қолайсыз отбасыларды тексеру барысында кәмелетке толмағандардың заңды құқықтарының сақталуына ерекше назар аударады. Заң талаптарын бұзу фактілері бойынша қолданыстағы заңнамаға сәйкес тиісті шаралар қабылданады.

Полиция ескертеді:
Балаңыздың қайда жүргенін, кіммен араласатынын және үйге қай уақытта оралатынын бақылаусыз қалдырмаңыз. Жасөспірімнің қауіпсіздігіне бейжай қарамаңыз. Бала тәрбиесіндегі жауапкершілік тек мектепке немесе құқық қорғау органдарына жүктелмейді — ол ең алдымен отбасынан басталады.