КЕНТАУДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ

Салтанатты шараға қала әкімі Жандос Тасов, зиялы қауым өкілдері мен қала жастары қатысты.

Жиында қала әкімі Жандос Тасов іс-шараға қатысушыларды мерекемен құттықтап, Республика күнінің ел тарихындағы маңызына тоқталды.

«Баршаңызды Республика күнімен шын жүректен құттықтаймын! Бүгін біз елдігіміздің символы, тәуелсіздігіміздің тұғыры – Мемлекеттік Туымызды көтеру рәсіміне жиналып отырмыз. Көк байрағымыз – халқымыздың бірлігі мен бейбіт өмірге деген ұмтылысының, жарқын болашаққа деген сенімінің белгісі. Тәуелсіздігімізді тұғырлы ету, еліміздің дамуына үлес қосу – әрбір азаматтың міндеті. Кентауымыз көркейіп, еліміз өркендей беруі үшін баршамыз бірлікте еңбек ете берейік! Көк Туымыз әрдайым биікте желбіреп, еліміздің мерейі үстем болсын!» – деді қала әкімі.

Мерекелік шара барысында патриоттық әндер шырқалып, қатысушыларға көтеріңкі көңіл күй сыйлады. Көк байрағымыз асқақтап, елдік пен бірліктің, тәуелсіздіктің символына айналды.