Республика күні қарсаңында Қарағандыдағы Фёдоров су қоймасының аумағында «Таза Қазақстан» жалпыұлттық бағдарламасы аясында экологиялық сенбілік өтті.
Ізгі бастамаға 70 адам — облыстық Экология департаментінің қызметкерлері, Қарағанды экономикалық университетінің студенттері мен еріктілер қатысты. Қатысушылар су қоймасының аумағын тұрмыстық қалдықтардан тазартып, 20 қап қоқыс жинады.
Туған жердің табиғатын қорғау — ортақ міндет. Ал Отанға деген сүйіспеншілік осындай нақты істерден көрінеді!
Таза Қазақстан — таза табиғат, жарқын болашақ!
