Республика күніне орай аудан әкімдігінің алдындағы алаңда Осакаров ауданының бас Мемлекеттік туын салтанатты түрде көтеру рәсімі өтті

Іс-шараға аудандағы ұйымдардың басшылары мен ұжымдары қатысты.

Мемлекеттік туды көтеру құрметі ауданның құрметті азаматы Еркінбай Теміров пен робототехникадан өткен жарыстардың жеңімпазы Максим Сафинге берілді.

Қазақстанның жетістіктері — халқымыздың білімі мен талантының, күнделікті еңбегі мен туған жерге деген жауапкершілігінің жемісі.

Мемлекеттік туымыз азат әрі өркендеген Қазақстанның көгінде әрдайым биік желбірей берсін! Республика күні құтты болсын!