Тұран ауданының тұрғындарына құқықтық көмек көрсету мақсатында «Халық заңгері» республикалық акциясы өткізілді.
Акция аясында Шымкент қаласы Тұран ауданының 150-ге жуық тұрғыны қабылданып, оларға құқықтық көмек көрсетілді. Сонымен қатар тұрғындарға өз құқықтары мен заңды мүдделерін қорғау жолдары түсіндірілді.
Аталған іс-шара халықтың құқықтық сауаттылығын арттыруға, азаматтардың құқықтық көмекке қолжетімділігін қамтамасыз етуге, сондай-ақ мемлекеттік органдар мен қоғам арасындағы өзара сенімді нығайтуға бағытталған.
