Мемлекет басшысының «Кітап оқитын ұлт» бастамасын қолдау, жастардың кітап оқуға қызығушылығын арттыру және қазақ әдебиетінің үздік туындыларын насихаттау мақсатында Түркістан қаласындағы Достық үйінде «Бірге оқимыз, бірге ойлаймыз!» атты әдеби алаңның кезекті кездесуі өтті.
💬 Кездесуде қатысушылар Бауыржан Момышұлының «Ұшқан ұя», Бейімбет Майлиннің «Шұғаның белгісі» және Дулат Исабековтің «Гауһартас» шығармаларын талқылап, туындылардың мазмұны мен тәрбиелік мәні туралы пікір алмасты.
🌍 Әдеби алаңға Қазақстанмен қатар Түркия, Қытай, Моңғолия, Қырғызстан және Чувашиядан келген студенттер де қатысты. Кездесу барысында кітап оқудың маңызы, ұлттық құндылықтар мен адамгершілік тақырыптары кеңінен қозғалды.
Іс-шара соңында белсенді қатысушыларға кітаптар сыйға тартылды. Сонымен қатар мәдени бағдарлама аясында Маржан Ержанқызы «Келші, айым» әнін орындады.
Түркістан облысы әкімінің баспасөз қызметі
