Жамбыл облысында Республика күніне орай үздік полиция қызметкерлері марапатталды
Жамбыл облысы Полиция департаментінде ұлттық мереке – Республика күніне арналған салтанатты іс-шара өтті.
Мерекелік жиында жеке құрамға Қазақстан Республикасының Ішкі істер министрі полиция генерал-лейтенанты Ержан Сәденовтің құттықтау жеделхаты оқылды.
Сондай-ақ қызметтік міндеттерін мінсіз атқарып, қоғамдық қауіпсіздікті қамтамасыз етуге елеулі үлес қосқан бірқатар полиция қызметкері ведомстволық наградалармен марапатталды.
Іс-шара аясында жас қызметкерлер Отанға адал қызмет етуге салтанатты түрде ант қабылдады. Бұл – олардың полиция қатарындағы қызмет жолындағы маңызды кезең әрі халық алдындағы жауапкершіліктің айқын көрінісі.
Мерекелік шара патриоттық концерттік бағдарламамен жалғасып, өнерлі полиция қызметкерлері және жас сақшылар отансүйгіштік рухтағы әндерін орындады.
🇰🇿Республика күні – елдігімізді айшықтап, тәуелсіздігімізді ұлықтайтын, ұлттық рухымызды асқақтататын мереке!
#РеспубликаКүні #ЗаңменТәртіп #ЖамбылПолициясы