📢 Қарағанды облысы бойынша МКД хабарлайды: бақылау-кассалық машиналарды (БКМ) қолдану тәртібі
💳 Құрметті салық төлеушілер!
2026 жылдан бастап Қазақстан Республикасында бақылау-кассалық машиналарды (БКМ) қолдану Қазақстан Республикасы Салық кодексінің 110–111-баптарымен және Қазақстан Республикасы Қаржы министрінің 2025 жылғы 24 қазандағы № 626 бұйрығымен бекітілген Қағидалармен реттеледі.
🧾 БКМ-ны кімдер қолдануға міндетті?
Ақшалай есеп айырысу кезінде салық төлеушілер мемлекеттік тізілімге енгізілген, деректерді тіркеу және (немесе) беру функциясы бар БКМ-ны қолдануға міндетті. Заңнамаға сәйкес бұл міндеттен босатылған тұлғалар бұған кірмейді.
☝️ БКМ қолданудан, атап айтқанда, мына тұлғалар босатылады:
🔹 жеке тұлғалар;
🔹 жеке сот орындаушылары, адвокаттар және кәсіпқой медиаторлар;
🔹 билет беру арқылы қалалық қоғамдық көлікте жолаушылар тасымалдау қызметтерін көрсететін тұлғалар;
🔹 Қазақстан Республикасының Ұлттық Банкі және екінші деңгейдегі банктер;
🔹 діни бірлестіктер;
🔹 заңда белгіленген ерекшеліктерді ескере отырып, Ұлттық пошта операторы;
🔹 арнайы мобильді қосымша арқылы есеп айырысуды жүзеге асыратын тұлғалар.
📌 Жалпыға ортақ телекоммуникация желісі жоқ жерлерде деректерді беру функциясынсыз БКМ қолдануға рұқсат етіледі. Сауда автоматтары мен төлем терминалдары да заңнама талаптарына сәйкес БКМ-мен жабдықталуға тиіс.
📝 БКМ-мен жұмыс істеу кезінде қандай талаптарды сақтау қажет?
✅ Ақшалай есеп айырысуды жүзеге асыруға байланысты қызметті бастамас бұрын БКМ-ны мемлекеттік кірістер органдарында тіркеу.
✅ Сатып алушыға сатып алынған тауарлар, орындалған жұмыстар немесе көрсетілген қызметтер үшін түбіртек беру.
✅ Заңнамада көзделген жағдайларда мемлекеттік кірістер органдары лауазымды тұлғаларының БКМ-ға қол жеткізуін қамтамасыз ету.
✅ Түбіртек мазмұнына қойылатын талаптарды сақтау және тіркеу деректерін уақтылы жаңарту.
📄 Түбіртекте қандай ақпарат болуы тиіс?
БКМ түбіртегінде сатып алу және сатушы туралы негізгі мәліметтер көрсетілуі керек, оның ішінде:
🔹 салық төлеушінің атауы, ЖСН/БСН;
🔹 БКМ қолданылатын орынның мекен-жайы;
🔹 БКМ нөмірі және түбіртектің реттік нөмірі;
🔹 тауардың, жұмыстың немесе көрсетілетін қызметтің атауы;
🔹 саны, бірлік бағасы және сатып алудың жалпы сомасы;
🔹 есеп айырысудың күні мен уақыты;
🔹 фискалдық белгі;
🔹 ҚҚС төлеушілер үшін ҚҚС сомасы.
Қағидаларда көзделген жағдайларда түбіртекте фискалдық деректер операторы туралы мәліметтер және штрих-код та көрсетіледі. Сатып алушының талабы бойынша түбіртекте оның ЖСН-ы көрсетіледі.
🌐 Түбіртектегі ақпарат қазақ және (немесе) орыс тілдерінде басып шығарылады.
⚠️ Талаптарды бұзғаны үшін жауапкершілік
БКМ-ны қолданбау және ақшалай есеп айырысудың белгіленген тәртібін бұзудың басқа да түрлері Қазақстан Республикасының заңнамасына сәйкес әкімшілік жауаптылыққа әкеп соғуы мүмкін.
Атап айтқанда, бұзушылықтарға мыналар жатады:
❌ сатып алушыға түбіртек бермеу;
❌ БКМ қолдану міндетті болған жағдайларда оны қолданбау.
💡 Құрметті кәсіпкерлер! Салық заңнамасының талаптарын сақтаңыздар, БКМ-ны уақтылы тіркеп, сатып алушыларға міндетті түрде түбіртек беріңіздер. Бұл есеп айырысудың ашықтығын қамтамасыз етуге және тұтынушылардың құқықтарын қорғауға ықпал етеді.
📌 Қарағанды облысы бойынша МКД еске салады: түбіртек беру — кәсіпкерлік қызметті заңды жүргізудің маңызды бөлігі!