Көлік қолжетімділігі және жол шаруашылығы
-
Шеткері аумақтардың көлік-логистикалық қолжетімділігін дамыту шеңберінде Катонқарағай және Зайсан аудандарында әуежайлар құрылысын аяқтау жұмыстары жүргізілуде.
-
Шалқар көліне (3-ші Сибі көлі) кіреберіс автомобиль жолына автотұрақ аймағын кеңейтумен орташа жөндеу жұмыстары аяқталды.
-
«Шыбындыкөл көліне кіреберіс» автомобиль жолын ағымдағы жөндеу жұмыстары аяқталды.
-
«Рахман қайнары» санаторийіне алып баратын автожол учаскесінде жөндеу жұмыстары аяқталды.
-
Осынов асуын айналып өту учаскесінде көпір құрылысы аяқталу сатысында.
Цифрландыру және байланыс
-
ШҚО Туристік картасына енгізілген 33 локацияның 31 объектісінде 2G стандартындағы дауыстық байланыс, 21 объектіде 3G/4G стандартындағы мобильді интернет қамтамасыз етілген.
-
Цифрландыру шеңберінде ерекше қорғалатын табиғи аумақтарға (Катонқарағай МҰТП, Марқакөл МТЗ және Батыс Алтай МТЗ) Starlink спутниктік байланыс кешендері берілді.
Инженерлік инфрақұрылым және санитария
-
Ағымдағы жылы өңірдің жол бойындағы сервис объектілерінде қосымша 12 санитарлық-гигиеналық торап (СГТ) орнатылды. Қазіргі уақытта облыс бойынша 50 СГТ жұмыс істейді.
-
Жаңа Бұқтырма кентінде 20 км-ден астам жылу желілері ауыстырылды, ұзындығы 12 км электр беру желісі салынды және «Голубой залив» пен «Новая Бухтарма» қосалқы станцияларын қайта жаңарту жұмыстары жүргізілді.
