2026 жылдың 22 қазанында, Білім басқармасына қарасты «Мақаншы ауданының психологиялық-педагогикалық түзеу кабинеті» КММ-нің салтанатты ашылу рәсімі өтті!
Игі бастаманың негізі қыркүйек айында қаланып, кабинет бүгінде өз жұмысын қарқынды түрде жүргізіп келеді. Қазіргі таңда орталықта 22 бүлдіршін сапалы әрі жүйелі коррекциялық-түзеу көмегін алуда.
Балаларымыздың жарқын болашағы мен дамуы үшін өз ісінің нағыз шеберлері бірікті! Меңгерушінің міндетін атқарушы Сайболатова Ұлпан Қуанышовнаның басшылығымен 9 білікті маман мен 1 қызметкер еңбек етуде.
Олардың қатарында:
Әдіскер мен әлеуметтік педагог;
Педагог-психолог мен дефектолог;
Тәжірибелі логопед;
Бейінді дене шынықтыру және массаж мамандары;
Тәрбиешілер мен музыкалық жетекші бар.
Салтанатты сәттерден үзінді: Мерекелік шараның шымылдығын Мақаншы ауданының әкімі Дәурен Бақытжанұлы жүрекжарды ізгі тілегімен ашып, түзеу кабинетінің кішкентай тәрбиеленушілеріне арнайы мерекелік сыйлықтар тапсырды!
Сондай-ақ, шараның құрметті қонақтары: — Аудандық қоғамдық кеңес төрағасы Мирлан Салиұлы, — Ақсақалдар кеңесінің төрағасы Ерғали Ахметұлы, — Ардагерлер кеңесінің төрағасы Советхан Тоғанбайұлы, — Мақаншы ауданы білім бөлімінің басшысы Гүлзипа Мақашевна да ақ тілектерін арнап, ата-аналар мен білім алушыларға жылы лебіздерін білдірді.
