Байғанин ауданының әкімі Айбек Купенов Сартоғай ауылдық округіне қарасты Баршақұм ауылының тұрғындарымен кездесті.
🔹Кездесу барысында аудан әкімі елді мекенде атқарылған жұмыстарға тоқталып, алдағы жоспарлар туралы баяндады. Сонымен қатар тұрғындардың ұсыныс-пікірлерін тыңдады.
🔹Тұрғындар Алтай батыр – Қарауылкелді бағытындағы қалған 21 шақырым жолдың жобалық-сметалық құжаттамасын әзірлеу, ауылға газ жеткізу жұмыстарын жеделдету және медициналық қызметкермен қамтамасыз ету мәселелерін көтерді.
🔹Аудан әкімі тұрғындар тарапынан көтерілген мәселелерді назарға алып, оларды шешу мүмкіндіктерін қарастыруды жауапты сала басшыларына тапсырды. Алдағы уақытта әр мәселе бойынша тиісті жұмыстар жүргізіледі.
БАРШАҚҰМ АУЫЛЫНЫҢ ТҰРҒЫНДАРЫМЕН КЕЗДЕСУ ӨТТІ
Дереккөз: https://www.gov.kz/memleket/entities/aktobe-baiganin/press/news/details/1315347?lang=kk