Қапал ауылдық округі аумағында мал ұрлығы мен азаматтардың жеке мүлкін ұрлау фактілерінің алдын алу мақсатында тұрақты түрде профилактикалық түсіндіру және рейдтік іс-шаралар, сондай-ақ тұрғындардың аулаларын аралау жұмыстары жүргізілуде.
Іс-шаралардың негізгі мақсаты – мал мен мүліктің ұрлануына жол бермеу, тұрғындардың қауіпсіздігін қамтамасыз ету және құқық бұзушылықтардың алдын алу.
Аралау барысында тұрғындарға төмендегі мәселелер бойынша түсіндіру жұмыстары жүргізіледі:
Малды қараусыз қалдырмау – малды бақылаусыз жібермеу, оның қауіпсіздігін қамтамасыз ету және жайылымда бағуды тиісті деңгейде ұйымдастыру;
Мүліктің сақталуын қамтамасыз ету – тұрғын үйлерді, қора-жайларды және басқа да шаруашылық нысандарын құлыптап, мал мен мүліктің сақталуына жауапкершілікпен қарау;
Ветеринариялық талаптарды сақтау – малды бірдейлендіру, чиптеу, таңбалау және басқа да қажетті ветеринариялық іс-шараларды уақтылы жүргізу;
Құқық бұзушылықтардың алдын алу – күдікті жағдайлар байқалған кезде тиісті органдарға дереу хабарлау және қоғамдық қауіпсіздікті қамтамасыз етуге атсалысу.
Құрметті Қапал ауылдық округінің тұрғындары!
Мал мен мүліктің қауіпсіздігі – баршамызға ортақ жауапкершілік. Әрбір тұрғынның сақтық шараларын сақтауы және малды қараусыз қалдырмауы ұрлықтың алдын алуда маңызды рөл атқарады.
Бірлесе әрекет етіп, ауылымыздың қауіпсіздігін бірге қамтамасыз етейік!
