Доха, 3 тамыз 2026 – Елші Бақыт Батыршаев Қатар Сыртқы істер министрлігі Конференцияларды ұйымдастыру жөніндегі тұрақты комитеттің Атқарушы директоры Мубарак Аджалан Әл-Кауаримен кездесу өткізді.
Мубарак Әл-Кауари Қазақстан Елшісін дипломатиялық миссиясының басталуымен құттықтап, екі ел арасындағы достық пен серіктестік қатынастарды одан әрі нығайту жолындағы қызметіне табыс тіледі.
Кездесу барысында тараптар халықаралық және өңірлік іс-шараларды, форумдар мен конференцияларды ұйымдастыру саласындағы ынтымақтастық мәселелерін, сондай-ақ екі елдің ресми делегацияларының өзара сапарларын қамтамасыз ету аспектілерін талқылады.