Сарайшық ауданы бойынша «Белсенді ұзақ өмір сүру» орталығында құқықтық мәдениетті арттыруға және қатысушылардың құқықтық ақпаратқа қолжетімділігін кеңейтуге бағытталған «Құқықтық сауаттылық күні» акциясы өтті.

Іс-шара аясында қатысушыларға заңгерлік кеңестер беріліп, өзекті сұрақтарға жауаптар ұсынылды.

Акцияға нотариус Жұмағали Есжанов пен Әділет департаментінің өкілі Диана Жанмулдина қатысты. Спикерлер қатысушылармен қажетті құқықтық ақпаратпен бөлісіп, оларды қызықтырған мәселелер бойынша түсіндіру жұмыстарын жүргізді.