Жапонияның Нагоя қаласында өтіп жатқан V Азия Пара ойындарында пара жүзуден Қазақстан құрамасы 4×50 метрге кешенді жүзуден аралас эстафетада күміс медаль жеңіп алды. Ұлттық құрама сапында Астананың екі спортшысы өнер көрсетті, деп хабарлайды елорда әкімдігінің ресми сайты.
Финалдық жарыста қазақстандық спортшылар 2 минут 54,22 секунд нәтиже көрсетіп, екінші орынға ие болды. Олар 2 минут 32,23 секунд нәтижемен мәреге бірінші жеткен Қытай құрамасына жол берді.
Үшінші орынды 3 минут 8,20 секунд нәтижемен Таиланд командасы иеленді.
Қазақстан құрамасының сапында елордалық спортшылар Әли Тұрғанбеков пен Сиязбек Далиев өнер көрсетіп, V Азия Пара ойындарында ұлттық құраманың жүлде қорын толықтыруға өз үлестерін қосты.
