2026 жылға арналған жануарлардың аса қауіпті ауруларының профилактикасы, диагностикасы жөнінде ветеринариялық іс-шаралардың 10 айлық жоспарының орындалысы бойынша аудандық, қалалық Ветеринариялық станция КМК басшыларымен видеоформаты арқылы жиналыс өткізілді.
Ветеринария басқармасының басшысы ветеринариялық іс-шаралардың Қазақстан Республикасының қолданыстағы заңнамасының талаптарына сәйкес, белгіленген мерзімдерде және толық көлемде орындалуын қамтамасыз ету, сондай-ақ жоспарлы көрсеткіштердің орындалуына тұрақты бақылау жүргізу және анықталған мәселелер бойынша тиісті шаралар қабылдау қажеттігін атап өтті.
Сонымен қатар, жоспарланған ветеринариялық профилактикалық және диагностикалық іс-шаралардың ауылдық, селолық округтер бөлінісінде толық орындалуын қамтамасыз ету, әрбір елді мекен бойынша атқарылған жұмыстардың есебін жүргізу және жоспардың орындалу барысы туралы ақпараттарды белгіленген тәртіппен ұсынып отыру тапсырылды.
