16 қазан 2026 жылы Мемлекеттік еңбек инспекциясы комитетінің Атырау облысы бойынша департаментінің басшысы, Әдеп жөніндегі уәкіл К. Иманғалиевтің төрағалығымен «Қоғаммен байланыс мәдениеті: шешендік шеберлік және іскерлік коммуникация» тақырыбында тренинг ұйымдастырылды.
Іс-шараны Х. Досмұхамедұлы атындағы Атырау университетінің Қоғамдық келісімді дамыту институтының директоры Қ. Әшірханова өткізді.
Тренингтің мақсаты – департамент қызметкерлерінің қоғаммен байланыс орнату мәдениетін жетілдіру, шешендік шеберлігін дамыту және іскерлік коммуникация дағдыларын нығайту.
Іс-шара барысында көпшілік алдында сөйлеу мәдениеті, ойды нақты әрі жүйелі жеткізу, тиімді диалог құру, азаматтармен өзара түсіністікке негізделген қарым-қатынас орнату және қызметтік әдеп нормаларын сақтау мәселелері қарастырылды.
Сонымен қатар, қатысушылар кәсіби ортада тиімді коммуникация орнатудың маңыздылығын талқылап, қызметтік қарым-қатынаста кездесетін түрлі жағдайларды шешу жолдары бойынша тәжірибе алмасты.
Мұндай іс-шаралар мемлекеттік қызметшілердің кәсіби біліктілігін арттыруға, қызметтік әдеп қағидаттарын нығайтуға және азаматтармен ашық әрі тиімді қарым-қатынас орнатуға ықпал етеді.
