Практикалық семинарда анықтаушылардың кәсіби біліктілігін арттыру, процессуалдық құжаттарды рәсімдеу және сотқа дейінгі тергеп-тексеру сапасын жетілдіру мәселелері қаралды.
Түркістан облысы Төтенше жағдайлар департаментінде «Өрттерге байланысты істер бойынша сот практикасы» тақырыбында практикалық семинар өткізілді.
Іс-шараның негізгі мақсаты – өрт оқиғаларына байланысты істерді қарау тәжірибесін талқылау, сотқа дейінгі тергеп-тексеру сапасын арттыру және анықтаушыларға тиісті әдістемелік түсіндіру жұмыстарын жүргізу.
Семинар барысында анықтаушылардың кәсіби біліктілігін арттыруға, процессуалдық құжаттарды заңнама талаптарына сәйкес дұрыс рәсімдеуге және сот практикасын ескере отырып, тергеп-тексеру жұмыстарын жетілдіруге ерекше назар аударылды.
Қатысушылар өрттерге байланысты істерді тергеп-тексеру кезінде заң талаптарын сақтау, жиналған материалдардың сапасын қамтамасыз ету және процессуалдық рәсімдерді дұрыс орындау мәселелерін талқылады.
Мұндай практикалық іс-шаралар мамандардың кәсіби тәжірибесін жетілдіруге, өзара тәжірибе алмасуға және өрт оқиғалары бойынша сотқа дейінгі тергеп-тексеру жұмыстарының сапасын арттыруға мүмкіндік береді.
