Қазақстан Республикасы күні мерекесі қарсаңында Павлодар облысы бойынша Мемлекеттік кірістер Департаменті «Өмірге үміт сыйла» атты донорлық қан тапсыру қайырымдылық акциясын ұйымдастырды.
Іс-шара Павлодар облыстық қан орталығының мамандарымен бірлесе отырып, жоғары кәсіби деңгейде өтті. Бастаманың басты мақсаты – өзара қолдау мәдениетін дамыту және қан құюды қажет ететін жандарға нақты көмек көрсету.
«Қан тапсыру – қарапайым болғанымен, өте маңызды қадам. Басты ұлттық мереке – Республика күнін тек сөзбен емес, нақты қайырымды іспен атап өту – біз үшін үлкен мәртебе», – деп атап өтті Адам ресурстары басқармасының басшысы Анна Марьина.
Департамент Павлодар облыстық қан орталығының ұжымына кәсібилігі мен акцияны ұйымдастыруға көрсеткен көмегі үшін, сондай-ақ жоғары азаматтық жауапкершілік пен мейірімділік танытқан барлық қызметкерлерге шынайы алғысын білдіреді.
Павлодар облысы бойынша МКД түсіндіру жұмысы
және Байланыс-орталығы басқармасы
