С. Сейфуллин атындағы гимназияның 3-сынып оқушысы Юстина Давыденко «Өз Отаның туралы әлемге айтып бер» халықаралық байқауының жеңімпазы ретінде Мәскеуге шақырылды. Оның жетістігі туралы ақпарат 1 тамызда жарияланды.
Оқушы ғарыш тақырыбына және Қазақстан мен Ресейдің ғарыш саласындағы көпжылдық ынтымақтастығына арналған жобасын таныстырды. Қазақстан Республикасының Ресей Федерациясындағы Елшілігінің кеңесшісі Омаров Ілияс Тамерланұлы оны марапатымен құттықтады.
Бұған дейін Юстина өңірдің Ұлы Отан соғысындағы Жеңіске қосқан үлесі туралы бейнероликпен халықаралық байқаудың ТОП-50 қатысушысы қатарына енген. Зульфия Зуфарқызы Гилемханованың жетекшілігімен «Карлаг балалар көзімен» зерттеу жұмысын ұсынып, облыстық «Зерде» байқауының жүлдегері атанды.