Шымкент қаласындағы мүгедектігі бар адамдарға арналған № 2 стационарлық жағдайдағы арнаулы әлеуметтік қызметтер көрсету орталығында «Ашық есік күні» аясында профилактикалық-түсіндіру жұмыстары жүргізілді.
Кездесу барысында су айдындарындағы және таулы аймақтардағы қауіпсіздік ережелері, өрт қауіпсіздігі мен радиациялық-химиялық қауіпсіздік талаптары түсіндірілді.
Сондай-ақ төтенше жағдайлар кезінде дұрыс әрекет ету тәртібі, жеке қорғаныс құралдарын пайдалану және қауіпсіздік талаптарын сақтау жөнінде маңызды ақпарат берілді.
Іс-шараның мақсаты – төтенше жағдайлардың алдын алу, қауіпсіздік мәдениетін қалыптастыру және қауіпті жағдайларда дұрыс әрекет ету дағдыларын жетілдіру.
Қауіпсіздік туралы білім – өмірді қорғаудың алғашқы қадамы. Осындай түсіндіру жұмыстары азаматтардың қауіпсіздік жөніндегі сауаттылығын арттырып, төтенше жағдайларға дайын болуына ықпал етеді.
