БАЙҒАНИН АУДАНЫНДА ЖОЛ ҚАУІПСІЗДІГІ МӘСЕЛЕСІ ҚАРАЛДЫ

2026 жылғы 12 қазанда Байғанин ауданы прокурорының төрағалығымен «Заң мен Тәртіп» идеологиясы және «Айқын нәтиже» жобасы аясында қоғамдық қауіпсіздікті қамтамасыз ету, оның ішінде үй жануарларының қатысуымен болатын жол-көлік оқиғаларының алдын алу мәселелері бойынша ведомствоаралық отырыс өткізілді.

Отырыс барысында аудан аумағындағы жол қозғалысы қауіпсіздігінің жай-күйі, автомобиль жолдарына қараусыз жүрген малдың шығуынан туындайтын қауіп-қатерлер және жол-көлік оқиғаларының алдын алу бағытында атқарылып жатқан жұмыстар талқыланды.

Отырыс қорытындысы бойынша жауапты мемлекеттік органдарға бірқатар нақты тапсырмалар берілді. Атап айтқанда:

🔹 Жол-көлік оқиғаларының алдын алу мақсатында мобильдік топ құру;

🔹 «Ақтөбе – Астрахань» автомобиль жолының аудан аумағынан өтетін бөлігінде профилактикалық және түсіндіру жұмыстарын күшейту;

🔹 Үй жануарларын бірдейлендіру және есепке алу жұмыстарын жандандыру;

🔹 Қараусыз жүрген малды анықтау және олардың автомобиль жолдарына шығуына жол бермеу бойынша тиісті шаралар қабылдау;

🔹 Мал иелерінің жауапкершілігін арттыруға бағытталған түсіндіру жұмыстарын жүйелі жүргізу.

Сонымен қатар, мал иелерінің жауапкершілігін күшейту, жол қозғалысына қатысушылардың қауіпсіздігін қамтамасыз ету және ықтимал жол-көлік оқиғаларының алдын алу бойынша уәкілетті органдардың өзара іс-қимылын арттыру қажеттігі атап өтілді.

Аталған бағыттағы профилактикалық жұмыстар тұрақты түрде жалғастырылатын болады.

Жол қауіпсіздігі – баршаға ортақ жауапкершілік!