ӘСКЕРИ ҚЫЗМЕТКЕ ШАҚЫРУ НАУҚАНЫНЫҢ БАРЫСЫ ТАЛҚЫЛАНДЫ

🔹Ордабасы ауданында мерзімді әскери қызметке шақыру науқанының ұйымдастырылу барысы, атқарылған жұмыстар мен алдағы міндеттер талқыланды. Жиынды аудан әкімінің аппарат басшысы Жуманалы Кадиев жүргізді.
🔹Жиынға аудан әкімінің кеңесшісі Әсел Баймаханова, ауылдық округтердің жауапты мамандары мен тиісті сала өкілдері қатысты.
🔹Күн тәртібіндегі мәселе бойынша аудандық қорғаныс істері жөніндегі бөлімінің бастығы Бақдәулет Ташпулатов баяндама жасап, шақыру науқанының қазіргі жағдайы мен алда атқарылатын жұмыстарға тоқталды.
🔹Талқылау барысында ауылдық округтер бойынша әскерге шақырылуға жататын азаматтардың саны, оларды медициналық тексеруден өткізу барысы және шақыру жұмыстарын үйлестіру мәселелері қаралды. Сондай-ақ жауапты мекемелер арасындағы байланысты күшейтіп, әрбір азамат бойынша мәліметтердің нақтылығын қамтамасыз ету қажеттігі атап өтілді.
🔹Жиын қорытындысында жауапты мамандарға шақыру науқанын белгіленген талаптарға сай ұйымдастыру, медициналық тексеру жұмыстарын үйлестіру және жүктелген міндеттердің уақытылы орындалуын қамтамасыз ету тапсырылды.
Ордабасы ауданы әкімінің баспасөз қызметі