Қазіргі таңда кез келген адам интернет-алаяқтардың нысанасына айналуы мүмкін. Қаскөйлер телефон қоңыраулары, әлеуметтік желілер, мессенджерлер және түрлі онлайн-сервистер арқылы қолданатын алаяқтық схемаларын үнемі жетілдіріп келеді. Сондықтан цифрлық қауіпсіздіктің негізгі ережелерін білу күнделікті өмірдің маңызды бөлігіне айналды.
Киберсауаттылық деңгейін арттыру және интернет-алаяқтықтың алдын алу мақсатында киберполиция қызметкерлері Талдықорған қаласының жер комитетінің қызметкерлеріне профилактикалық іс-шара өткізді.
Кездесу барысында полицейлер алаяқтықтың ең көп таралған түрлері, азаматтарды алдау тәсілдері және жеке деректер мен қаржылық қаражатты қорғауға көмектесетін шаралар туралы айтып берді. Күдікті қоңыраулар мен хабарламаларға сыни тұрғыдан қарау, бөгде адамдарға SMS арқылы келген кодтарды, банк карталарының деректерін және интернет-банкингке кіруге арналған мәліметтерді бермеу қажеттілігіне ерекше назар аударылды.
Алынған ақпаратты бекіту мақсатында киберполиция қызметкерлері интернетте қауіпсіз әрекет ету бойынша практикалық ұсынымдар қамтылған ақпараттық брошюралар таратты.
Киберқауіпсіздік саласындағы профилактикалық жұмыстар жалғасуда. Мұндай іс-шаралардың басты мақсаты — азаматтардың қырағылығын арттырып, алаяқтық схемаларды дер кезінде танып, олардың құрбаны болмауға көмектесу.
Есте cақтаңыз: сіздің сақтығыңыз — интернет-алаяқтардың жолындағы алғашқы әрі ең сенімді қорғаныс.
