Қарттарға құрмет – ұрпаққа міндет
Қоңырөлең ауылдық округінде жасы 90 жасқа жуықтаған ақ жаулықты әжелерімізге құрмет көрсетіліп, арнайы тәтті себеттер табысталды.
Ізгі шараны Қоңырөлең ауылдық округі мамандары ұйымдастырып, ауылдың ардақты қарттарының хал-жағдайын сұрап, ақ баталарын алды.
Бұл игі бастамаға 1987 жылы туған азаматтар демеушілік көрсетіп, қарттарымызға қуаныш сыйлауға өз үлестерін қосты.
Қарияларды құрметтеу – халқымыздың ежелден келе жатқан асыл дәстүрі. Ақ жаулықты әжелеріміздің ақ батасы мен өнегелі өмір жолы – кейінгі ұрпаққа үлкен үлгі.
Қарттарымызға зор денсаулық, ұзақ ғұмыр, отбасыларына амандық пен береке тілейміз!
Қартын қадірлеген елдің – ырысы артып, мерейі үстем болады.
