Батыс Қазақстан облысында ЖРВИ мен тұмауға қатысты эпидемиологиялық жағдай санитариялық-эпидемиологиялық бақылауда.
2026 жылғы 5 қазандағы мәлімет бойынша:
облыста 95 078 ЖРВИ жағдайы тіркелді; оның 63 500-і – 14 жасқа дейінгі балалар; өткен жылдың сәйкес кезеңімен салыстырғанда ЖРВИ-мен сырқаттанушылық 21,38%-ға төмендеді; тұмаудың 32 жағдайы зертханалық түрде расталды.
Тұмауға қарсы вакцинация – аурудың және оның асқынуларының алдын алудың тиімді шараларының бірі.Биылғы эпидемиологиялық маусымға облысқа 68 000 доза тұмауға қарсы вакцина алу жоспарланған.
ЖРВИ мен тұмаудан сақтану үшін:
қолды жиі жуыңыз; бөлмелерді тұрақты желдетіңіз; адам көп жиналатын орындарда сақтық шараларын сақтаңыз; ауру белгілері байқалса, үйде қалып, медициналық көмекке жүгініңіз; балаларда ЖРВИ белгілері болса, мектепке немесе балабақшаға жібермеңіз; антибиотиктерді дәрігердің тағайындауынсыз қабылдамаңыз.
Өзіңіздің және жақындарыңыздың денсаулығына жауапкершілікпен қарайық!